Queste sono solo alcune delle poesie scritte in dialetto sipiccianese dall'Autore compaesano Querino De Ciccio,che lui chiama “pensieri della mia terra” leggendole si ha la sensazione  di come scorreva la vita  quotidiana del paese...

Annanzi ‘o fuoco

Ciove, e a mente mia fa fatica a passà mmieso a sto mpuso.

‘O fuoco scoppa e fa pulcelle, ma rù core mio non se scalla.

Rù iatto se vota e sarrevota mienti nzino sarreposa,

 vo esse purisso accarezzato,

comme rù core mio è purisso sconsolato.

Uardo fore pe verè se ru tiempo s’è schiarito,

 ma rù cielo è sempe scuro.

Fa e fuse ru iatto mienti rorme

 e maccorgio che è sulo nu suonno rò passato.

 Non è chiù tempo pe nui re esse nammurati,

potemmo solo rurmi annanzi ‘o fuoco.

Amico mio, chigli tiempi  sò passati,

 perciò, ruormi e riposa commè

 annanzi ‘o fuoco.

Poesia vincitrice al concorso nazionale indetto dall' Associazione Rotary di Trani dal titolo     "Le radici dell'anima" III edizione, la premiazione è avvenuta il 3/5/09  Sporting Club di Trani. http://trani.gocity.it/trani/informa/9622.html

Tuozzuli e purtuni

Archi cortine e uorti, chisto è ru paese nuosto.

Vie vichi e strate strette, addo a gente quanno

ce cammina, nu suspiro etta.

Sotte na montagna stà arrampecato, pare che

mo mo se ne sciula.

E case ri signori tutte e tene in bella vista.

Però a ru lato ra fontana, tene na veruta, a do

se vere tutta a marina.

A casa ra patrona che e Sant’Anna, stà in piazza,

addo na teglia a tene sempe a o frisco.

A chiesa veccia po non ve rico, addo sta messa

pe no leva a ri Santi, na bella vista.

E case tenno tutte nu portone,a do fanno bella

mostra, tuozzoli, chiavi e chiavini.

Non ve rico po’ a sera che è stu paese,co tutte

Ste luciarelle appicciate, me pare a notte re natale,

me pare ru presepe addo nascette ru Signore

A cosa bella re stu paese, è che a gente,

è tanto cortese.

Ru’ scarparo

Arreto nu bancarieglio se ne stà assettato rù scarpaio,

a do tene in bella vista, centrelle puntine e puntiniegli

Pare quasi nà vetrina re gioelli.

Vatte a sola a ritta e a manca, a bogne, e a vatte natavota

pa fa diventa bella e tesa.

Fisca e canta mienti a vatte, accossi rice:

ce venno meglio e scarpe.

Sa mette nzino miente a cose,

comme se fà con na creatura mienti riposa.

Pare quasi che ri stà a canta na ninna nanna miente a cose.

A vota, a mpecia, ce passa na pezza ncoppo,

e con na sputazza che ri mena, a fa diventà quasi na signora,

senza sapè che ciavatte pe ri pieri né stà a cose.

Se tutti ce mettessimo tanto amore a fa e cose,

 saremmo tutti comme a isso.

Nù gran Signore.

Ru cofanaro

Tu cofanaro che canne tagli con tal maestria

pe fanne cofane e cofine, pe secca fico e pacchisecche.

Tu che entrizzi con annurichi stritti, ne fai canisti e canestrelle,

pe porta cuonzuli e crespelle.

Tu che ntrizzi canne e vietti re core, pe fanne panare re

tutte e misure,pe addunà mazzare, luciendi e pizzutelle.

I te vero la assettato a o sole,  emani toe non sbagliano

mai annoreche.

Pari ru Pataterno che con ru rosario nmani

conta l’anime smarrite.

Perciò non sta npena per u mestiere che Dio ta rato,

certo non è ra tutti re ntrezza anime perdute.

Se tutti facesseno ru mestiere re tio

sai quante anime re ciù stesseno co  ru Signore.